محاوره بين العم سعد محلاوي والاستاذ عثمان العروي

[جار السحاب]

مشتكى العم سعد محلاوي

محتار اقولك اجيك منيــــــن ********* لجل انقل الود والاجــــــلال
اللي لكم في الحشا من حين ********* ثابت على الطيب دون محال
شكوى معي من قديم سنين ********* حصيلة العمر واحنا عيـــــال
الوقت عيّا معانـــا يزيــــــن ******** غادر وحنا بقينــــافـ حـــال

رد الاستاذ عثمان العروي

حنا على نهجنا ماشيــــن ******** باسلوب نمشي مع الاجيــال
من طالع الحرف والتلحـين ********* اوجزت قبل السلام ينقــــــال
هيا استمع شرحنا ذالحين********* وانا معك وافي المكيـــــــال
من طبعنا نوفي الوافيــن ********* ولا تنحجب شمس في غربـال
لابد بعد القسا من ليــــــن ********* مهما طلع في سماه خيـــال
عيش الامل واترك التحزين ********* ياالّله تجعل حياته عـــــــــال